QQQQnokia-n95QQQQ
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 تعالو يا شباب شوفو اخر الرخامة

اذهب الى الأسفل 
كاتب الموضوعرسالة
دكتــــــورالحــــــزن

avatar

عدد الرسائل : 14
العمر : 30
تاريخ التسجيل : 02/03/2007

مُساهمةموضوع: تعالو يا شباب شوفو اخر الرخامة   الجمعة مارس 02, 2007 5:41 am

ثلاثة مساطيل الأول قال أنا لو معايا فلوس أشترى نص الكرة الأرضية والثاني قال أنا لو معايا فلوس أشترى النص الأخر الثالث رد وقالهم مين قالكم أني هبعيلكوا.



************************************************** **************************



مرة 3 تلاميذ تأخروا عن الحصة الأولى، ولما وصلوا المدرسة قالت لهم المعلمة أنتوا كنتوا فين؟ الأول قال أنا ضاع منى الخاتم بتاعي، الثاني قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!



************************************************** **************************



مدرس بيقول للتلاميذ اكتبوا ورايا ذهب محمد إلى مصيف بلطيم يوم الأربعاء فطالب سأله لو سمحت يا أستاذ هي الهمزة علي السطر ولا على ألف، سكت المدرس شوية وبعدين قاله خلاص يا ابني خليها الخميس.



************************************************** **************************



واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.



************************************************** **************************



واحد في الامتحان مش عارف يحل والامتحان كله صح و غلط، راح مطلع بريزه ولعب ملك وكتابة على امتحان خلص الامتحان في نص ساعة، طلع البريزة تاني ليه؟؟؟ علشان يراجع.



************************************************** **************************



مرة مدرس دخل الفصل فقال للتلاميذ يعيش السمك في الماء رد التلاميذ يعيش يعيش يعيش



************************************************** **************************



واحد حرامي والثاني ندل فالندل بيقول للحرامي علمني السرقة فسرق محفظة واحد وقالوا اهوه علمني أنت باة الندالة، راح جه مسكوا وقال حرامي



************************************************** **************************



كان مرة واحد كل يوم يحلم بماتشات عصافير فراح للدكتور وقال له اللي بيحصله والدكتور قاله خد الدواء ده النهار دة رد عليه وقال له استنى عشان النهاردة الماتش النهائي



************************************************** **************************



واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو



************************************************** **************************



مره 2 فشارين بيفشروا على بعض الأول قال أنا كنت في الغابة وجالى أسد شافني اتخض ام ميت. قال الثاني يا خرابي وأنا كنت في الصحراء جالى تعبان جريت منه ورا الباب الأول ام قايله مفيش باب في الصحراء وبعدين قال استخبيت فوق الشجرة قاله مفيش شجر في الصحره التانى قالله عاجبك كده اهو أكلني.



************************************************** *******





شحات بيكلم بنت تخينه قوى وبيقول لها : أرجوكى انا بقالى يومين ماكلتش لقمة عيش واحدة قالتلة أنا بحسدك على إرادتك مين الدكتور اللى بتعمل عنده الرجيم الهائل ده ؟



مرة واحد غبى او واقف فى الشارع بيتكلم فى التليفون وعمال يقول بصوت عالى لا بس دورى تانى دورى تانى ام جاة واحد اخد منة التليفون لاقى (الرقم الذى طلبتة غير موجود بالخدمة )



مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين



مرة واحدة ماشية فى الصحرا لقت مصباح علاء الدين دعكتة طلعلها العفريت وقالها شبيك لبيك عبدك بين ايديكى تطلبى اية.......... بس على شرط الطلب اللى تطلبية هيتحقق لجوزك عشر اضعافة قالتلة وانا موافقة قالها اية طلبك الاول قالتلة انا عايزة ابقى احلى واحدة فى العالم خالها احلى واحدة فى العالم وقالها على فكرة جوزك دلوقتى عشر اضعاف جمالك قالتلة مكرهش لجوزى حبيبي انى يبقى احلى منى قالها اية طلبك التانى قالتلة عايزة ابقى اغنى واحدة فى العالم خالها اغنى واحدة فى العالم وقالها جوزك فى عشر اضعاف غناكى دلوقتى قالتلتة مكرهش لجوزى روح قلبى يبقى اغنى منى.......... قالها اية طلبك التالت .......ردت علية وقالتلة انا عايزة ازمة قلبية خفيفة ............!



واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه



مرة واحد مغلب مدرس الجغرافيا معاة لية ؟؟؟؟؟؟؟عايز يعرف خط جرينتش موبينيل ولا فودافون



بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر



مرة اتنين محششين ماشين فى الشارع وقفو عند عمود نور فراح واحد قال للتانى اللحق القمر اهو قالة قمر اية يا عم دى الشمس قالة لا ياعم دة القمر قالة لاء دى الشمس وفى نفس الوقت كان فى حشاش تالت معدى فبيقولة دة القمر ولا الشمس قالهم واللة معرف اصلى مش من المنطقة دى



ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش



معاكم ربنا



هههههههههههههههههههه

lol! flower queen bounce
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعالو يا شباب شوفو اخر الرخامة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
QQQQnokia-n95QQQQ :: ¤©§][§©¤][ الأقسام الترفيهية ][¤©§][§©¤ :: النكت والمسابقات والألغاز-
انتقل الى: